Akdepe etrabynyň Akdepe şäherindäki Magtymguly meýdançasynda etrap häkimliginiň, etrap medeniýet bölüminiň, TKA-nyň etrap birleşmesiniň hem-de Türkmenistanyň Zenanlar birleşiginiň etrap bölüminiň bilelikde guramagynda, döredijilik işgärleriniň gatnaşmagynda geçirilen dabara baý many-mazmuna eýe boldy. Turuwbaşdan uly ruhubelentlige, şatlyk-şowhuna beslenen dabarada Akdepe etrabyndaky 33-nji orta mekdebiň mugallymy, «Magtymguly Pyragy» medalynyň eýesi Bally Seýitberdiýew, etrapdaky 20-nji orta mekdebiň mugallymy, şahyr Oguljennet Nazarowa, 13-nji orta mekdebiň mugallymy, Ýaşlar baýragynyň eýesi, şahyr Aýbölek Begenjowa, TKA-nyň etrap birleşmesiniň başlygy, şahyr Kerim Berdigylyjow we döredijilik bilen meşgullanýan ýaşlar özleriniň täze döreden goşgularyny okap berdiler. Aýdym-sazly dabaraly çärede etrap medeniýet bölüminiň sungat ussatlarynyň ýerine ýetirmeginde şahyryň «Äleme belgilidir» atly şygry esasynda goýlan kompozisiýa, mekdep okuwçylarynyň ýerine ýetirmeginde akyldar şahyra bagyşlanan sahna oýnuna tomaşa edildi. Beýik Pyragynyň şygyrlaryna döredilen aýdym-sazlar ýaňlandy. Dabaraly çärä gatnaşyjylar Magtymguly Pyragynyň gymmatly edebi mirasyny sarpalaýan, dünýä içre dabaralandyrýan Arkadagly Gahryman Serdarymyza tüýs ýürekden çykýan alkyşlaryny beýan etdiler.
“Daşoguz habarlary” gazetinde çap edilen
habarlar esasynda taýýarlanyldy.